ថៃ៖ កាលពីសប្ដាហ៍មុនកន្លងទៅនេះ បុរសម្នាក់ អាយុ៣៥ឆ្នាំ មកពីខេត្ត Nonthaburi នៃប្រទេសថៃ បានបង្កឲ្យមានការចាប់អារម្មណ៍ជាខ្លាំង នៅលើបណ្ដាញអ៊ីនធើណេត ក្រោយពីគាត់ បានរៀបការជាមួយប្រពន្ធទាំង៣នាក់របស់គាត់ ក្នុងពេលតែមួយ។
លោក Suea Supareek មានអាជីពជាគ្រូជំនាញខាងថ្នាំបុរាណ និងមុនពេលរៀបការ គាត់បានរួមរស់ជាមួយប្រពន្ធទាំង៣នាក់ អស់រយៈពេលជាង១០ឆ្នាំមកហើយ ព្រមទាំងមានកូនសរុបជាមួយគ្នាចំនួន៩នាក់ផងដែរ។ ហើយប្រពន្ធទាំង៣នាក់ បានព្យាយាមសន្សំប្រាក់ ដែលទទួលបានពីគាត់ប្រចាំខែ សម្រាប់ថ្លៃបណ្ដាការក្នុងថ្ងៃរៀបការ ដែលម្នាក់ៗ បានកាន់បណ្ដាការតម្លៃ១០០,០០០បាត (ប្រមាណ២,៩៨០ដុល្លារអាមេរិក) រួមទាំងគ្រឿងអលង្ការផ្សេងៗទៀត។
ពិធីរៀបការ ត្រូវបានបញ្ចប់ទៅដោយរលូន ខណៈប្រពន្ធទាំង៣នាក់ រស់នៅយ៉ាងមានការចុះសម្រុងគ្នា។ ហើយចំពោះគ្រូថ្នាំបុរាណវិញ មិនមានបញ្ហាក្នុងការផ្គត់ផ្គង់ជីវភាពគ្រួសារទាំងមូលឡើយ ព្រោះជារៀងរាល់ខែ គាត់បានជួយព្យាបាលអ្នកជំ.ងឺចាប់ពី៤០០នាក់ ដល់៥០០នាក់ឯណោះ៕
