ស្ត្រីជនជាតិឥណ្ឌូនេស៊ីម្នាក់ កំពុងទទួលបានការចាប់អារម្មណ៍ខ្លាំងពីសំណាក់អ្នកលេងតាមបណ្ដាញសង្គម ក្រោយថ្មីៗនេះ រូបនាងបានធ្វើការបង្ហោះរូបភាពរបស់នាង និងស្វាមីលើបណ្ដាញសង្គម Instagram ដែលធ្វើឲ្យគ្រប់គ្នាភ្ញាក់ផ្អើល ដោយគិតដំបូងថា ស្មានតែជាកូន និងឪពុក ។
នាង Puspa Dewi ជា influencer ម្នាក់មកពីក្រុង Jakarta ប្រទេសឥណ្ឌូនេស៊ី ដែលទទួលបានភាពល្បីល្បាញ និងកោតសរសើរលើរូបសម្រស់មិនចេះចាស់របស់នាង ។ បច្ចុប្បន្ន រូបនាងមានអាយុ ៥៣ ឆ្នាំហើយ ប៉ុន្តែរូបសម្រស់នាង ស្រស់ស្អាតខ្លាំង ប្រៀបដូចយុវវ័យអាយុខ្ទង់ ២០ ឆ្នាំ ដូច្នោះដែរ ។
ក្នុងវ័យ ២០ ឆ្នាំ រូបនាងបានរៀបការនឹងស្វាមីអាយុ ៥៦ ឆ្នាំ ហើយក្រោយរួមរស់ជាមួយគ្នាអស់ពេល ២៦ ឆ្នាំ ពួកគេទទួលបានកូនប្រុសចំនួន ២ នាក់ រួមទាំងចៅប្រុសម្នាក់ជាចំណងដៃ។
អ្វីដែលគួរឲ្យចាប់អារម្មណ៍ជាងនេះទៅទៀតនោះ រាល់ពេល Puspa ថតបង្ហោះរូបជាមួយកូនប្រុសអាយុ ២៤ ឆ្នាំរបស់នាង ពួកគេតែងតែត្រូវបានមហាជនភាគច្រើនយល់ច្រឡំថា ជាគូស្នេហ៍ ដោយសារតែរូបសម្រស់របស់នាងក្មេងស្រស់ស្អាត ប្រហែលនឹងកូនរបស់នាងដែរ ។
តាមសារព័ត៌មាន China Press បានឲ្យដឹងថា Puspa អាចរក្សារូបសម្រស់ឲ្យនៅស្រស់ស្អាតក្មេងជាងវ័យបែបនេះ គឺដោយសារតែការចូលចិត្តហាត់ប្រាណ និងរបបអាហាររបស់នាង ។ ស្ត្រីរូបនេះ តែងតែមានចំណង់ចំណូលចិត្តលើផ្នែកកីឡា ចាប់តាំងពីនាងរៀនថ្នាក់មធ្យមសិក្សាមកម្ល៉េះ ៕
